الاثنين، 11 أبريل 2011

استعارة نضارة ، بقلم / طونى أنسى


ساعات كتير بسمح لنفسى البس نضارة القاضى واحكم على الاحداث بكل قسوه
يهوذا الخائن "اعدام" .... بطرس ناكر..... اليهود قساة القلوب غلاظ الرقبه "اباده" بس للاسف .انا عملت اكتر من كده........ انا قمت وبقوم بكل الادوار دى كل يوم..
انا السبب الرئيسى ف كل اللى كان
++++++++++++++

عارف مين زارنى النهارده؟
رؤساء الكهنه بشوية فضـه
قلت ومالو ؟؟ مبيعك وارضى
مهى كل الناس بتبيعك قاصده
++++++++

فى البستان نمت وسبتـك
ولحبة حــراس سلـمتك
وقبضت عليك بعتك وحاكمتك
قدام الجاريه انكرتــك
++++++++

مسكـت كـرباجى و جلـدتـك
وبقسوة قلب صليبى شيلتــك
وباول مسمار سـمرتــك
ووقفت بعيد اضحك و اعايرك
+++++++++++

وقفـت بعيد مستنـى تمـوت
وبعلــــــو الصـــوت
ناديتك ........ مــــوت
فجأه لقيتنى انا اللى بموت
++++++++

ودا لص يمين سرق الملكوت
بصيتله بحبك .. مش هتمــوت
دا انت ابنى الغالى مش هلفوت
وانا لسه مش سامع الصوت
++++++++

عارف لما نزلت
اتــجـــسـدت
اتعذبت حاربت
الموت وعشانى غلبت
++++++++

كنت بجهز صلــبك
مشغول بحضر كفنك
قبـرك ..... حجـرك
وبرتب لمراسم دفنك
++++++++


باحتقار واســتــهـتار
بل استــكـبــــار
على روحه البــار
بينى وبينه بنيت اسوار
++++++++

بتعدى حـدودى
وانسج ف قيودى
وابعد بـبرودي
وانساك بجحودى
++++++++


قوم بقى قـومنى معـاك
قوم شدنى على فوق لسمـاك
دا انا نفسى بجد يارب القاك
وبقية عمرى اقضيه وياك
++++++++

نفسى يارب اشوفك
ادوقـــــــك
اسمـــــع صوتك
واحيا بـــروحك
++++++++

نفسى عينيا تكون شيفاك
تـفــرح بلـقــاك
هنـــا و هــنـاك
دايمــــا فــاكراك
++++++++

عايزك تبقى اخويا وصاحبى
ابويا و ضهــــرى
تبــــــارك عمــــرى
ف فـرحى و كـــربى

+++++++++++

بقلم الشاعر / طونى أنسى .

هناك 7 تعليقات:

  1. شكرا يا جورج على الزيارة

    الرب يسوع المسيح يباركك

    وياريت لو بتكتب شعر أو خاطرة مسيحية تجيبها واحنا ننشرها

    تحياتى

    ردحذف
  2. حلوة قوى يا محب

    و جميلة من طونى ربنا يباركه

    عارف انا مقصر معاك يا محب جداً معلش

    بس بحاول أرجع زى الأول

    ردحذف
  3. أهلا وسهلا يا رامى .

    بخصوص التقصير ، فأنت مقصر فعلا :)

    عاوز أراءك فى آخر مواضيع المدونة ، لأن اللى عمل المدونة عملها علشان يبقى فيه تشعبات ، مش كل واحد يكتب لنفسه :):):):)

    وأنا بصراحة بحترم أراءك وبستفيد منها جدا .

    محاولة ناجحة بنعمة المسيح :)

    تحياتى .

    ردحذف
  4. كلمات جميلة ومعبرة تقبل مروري

    ردحذف
  5. جميله يا محب

    تسلم ايديك طونى

    ربنا يبارك عملكم

    تحياتى

    ردحذف
  6. لا تقلق اخى انا معك لو محتاج مسادة اطلبنى فى اى وقت على الرقم التالى 01210269369
    او الى الايمل :raft_man99@yakoo.com

    ردحذف