إعلان

This is default featured slide 1 title

Go to Blogger edit html and find these sentences.Now replace these sentences with your own descriptions.

This is default featured slide 2 title

Go to Blogger edit html and find these sentences.Now replace these sentences with your own descriptions.

This is default featured slide 3 title

Go to Blogger edit html and find these sentences.Now replace these sentences with your own descriptions.

This is default featured slide 4 title

Go to Blogger edit html and find these sentences.Now replace these sentences with your own descriptions.

This is default featured slide 5 title

Go to Blogger edit html and find these sentences.Now replace these sentences with your own descriptions.

الاثنين، 11 أبريل، 2011

استعارة نضارة ، بقلم / طونى أنسى


ساعات كتير بسمح لنفسى البس نضارة القاضى واحكم على الاحداث بكل قسوه
يهوذا الخائن "اعدام" .... بطرس ناكر..... اليهود قساة القلوب غلاظ الرقبه "اباده" بس للاسف .انا عملت اكتر من كده........ انا قمت وبقوم بكل الادوار دى كل يوم..
انا السبب الرئيسى ف كل اللى كان
++++++++++++++

عارف مين زارنى النهارده؟
رؤساء الكهنه بشوية فضـه
قلت ومالو ؟؟ مبيعك وارضى
مهى كل الناس بتبيعك قاصده
++++++++

فى البستان نمت وسبتـك
ولحبة حــراس سلـمتك
وقبضت عليك بعتك وحاكمتك
قدام الجاريه انكرتــك
++++++++

مسكـت كـرباجى و جلـدتـك
وبقسوة قلب صليبى شيلتــك
وباول مسمار سـمرتــك
ووقفت بعيد اضحك و اعايرك
+++++++++++

وقفـت بعيد مستنـى تمـوت
وبعلــــــو الصـــوت
ناديتك ........ مــــوت
فجأه لقيتنى انا اللى بموت
++++++++

ودا لص يمين سرق الملكوت
بصيتله بحبك .. مش هتمــوت
دا انت ابنى الغالى مش هلفوت
وانا لسه مش سامع الصوت
++++++++

عارف لما نزلت
اتــجـــسـدت
اتعذبت حاربت
الموت وعشانى غلبت
++++++++

كنت بجهز صلــبك
مشغول بحضر كفنك
قبـرك ..... حجـرك
وبرتب لمراسم دفنك
++++++++


باحتقار واســتــهـتار
بل استــكـبــــار
على روحه البــار
بينى وبينه بنيت اسوار
++++++++

بتعدى حـدودى
وانسج ف قيودى
وابعد بـبرودي
وانساك بجحودى
++++++++


قوم بقى قـومنى معـاك
قوم شدنى على فوق لسمـاك
دا انا نفسى بجد يارب القاك
وبقية عمرى اقضيه وياك
++++++++

نفسى يارب اشوفك
ادوقـــــــك
اسمـــــع صوتك
واحيا بـــروحك
++++++++

نفسى عينيا تكون شيفاك
تـفــرح بلـقــاك
هنـــا و هــنـاك
دايمــــا فــاكراك
++++++++

عايزك تبقى اخويا وصاحبى
ابويا و ضهــــرى
تبــــــارك عمــــرى
ف فـرحى و كـــربى

+++++++++++

بقلم الشاعر / طونى أنسى .

الخميس، 7 أبريل، 2011

ليه بعيد ؟



أنا قاسى القلب يا رب سامحنى
أبعد عنك يصبح قلبى واجعنى
يمكن يوم أرجعلك تانى
ما هو من قساوتى سايبها لصدفة !!

طويل أناة أنت يا رب أنا عارف
يمكن تستنى لى كتير كتير
أول ما ييجى متاع الخطية الزائف
أفتكرك أقول : حبك كبير
وحبك يخليك طويل الأناة
وبنسى أنك انت ديان الخطاة
سامحنى على جهلى وارحمنى
بطلب اليك يا رب ترجعنى

متعة زايفة متعة زايلة
بجرى وراها طول الطريق
بلاقى حياتى بعد كل مرة
أشر وأدنى والشر الصديق
وانت بتنادى عليا يا رب
وأنا بسمع وأقول أنا مسمعش
وللأسف بعمل نفسى مسامعش

ممكن حياتى تتنتهى اللحظة دى
ممكن تنتهى من غير ما أحس
هل بعدها هكون قريب منك ؟
ولا هكون فى جهنم ، أقول النحس ؟
حياتى عارفها ، بعيدة كل البعد عنك
عارف نفسى يا رب نجس
ومش بجيلك أبدا رغم أنى عارف
أنك حابب الخاطى ، بتكره الدنس

مقدرش أقول فصلى قانون جديد
يخلينى أتمتع بالخطية وبيك
وف نفس الوقت مكونش عاصيك
بس بطلب يا رب وبكل الحب
تدخل حياتى تنورلى عينيا
يمكن ألاقى النور اللى فيا
اللى هو انت يا رب يسوع
عارف انك تقدر بس أنا مش واثق
انك هتيجى وتسمع لطلبى
عارف أنى خاطى ، عارف أنى فاسق
بس لخلاص ما قد هلك أنت تأتى

أه يا رب ، ليه مش قادر أحبك ؟
ليه مش مقدر عذابك وصلبك ؟
ليه مشفتش يارب أنا تعبك ؟
ليه مش حاسس يارب بحبك ؟
ليه مش شايف مكان المسامير ؟
ليه مش بفتكر كل مرة الحربة ؟
ليه مش بقدر أقول أنا أمير ؟
ولسة بقول أنا عبد لضربة ؟
ضربة من الخطية أو الشيطان أو من نفسى !!

تأليف / محب روفائيل حكيم
 سلام ونعمة الرب لجميعكم .

الأربعاء، 6 أبريل، 2011

لأصحاب القلم : أرسل أشعارك !!


منشأ الفكرة  : -
منذ فترة ليست بالكبيرة وأنا أحلم بعمل مجلة مسيحية بحتة ، وفى مرة أخرى تمنيت أن تكون هذه المجلة علمية أدبية عربية للشباب ، هذا كان منذ حوالى أربعة أو خمسة شهور تقريبا ، لكنى وجدت هذا أصعب من امكانياتى سواء المادية أو الوقتية ، فقمت بعمل هذه المدونة .
هذه المدونة بنعمة المسيح ستكون من أكبر جامعات الشعر المسيحى العربى على الانترنت ، أفكر بعدها - اذا اتفق ( بنعمة المسيح ) - أن أنشىء مدونات أخرى لها نفس الوظيفة ونفس الخدمات لأشياء أخرى شبيهة من نثر مسيحى وقصص قديسين ، ودراسة للكتاب المقدس طبعا ، بالأضافة للأخبار المسيحية ، وكل ما يهتم به العالم المسيحى العربى .

لماذا هذه المدونة ؟
منذ حوالى خمسة أشهر أو ما يزيد عنهم قليلا أنشأت مدونتى الخاصة على أساس أنها ستحوى حوالى 75 % من موادها على هيئة دينية بحتة ، وباقى المواضيع ستنقسم الى علم وفكر وأدب وسياسة ، لكننى للأسف تحولت عن هذه الخطة عندما وجدت قلة أو قل ندرة فى القراء المسيحيين ، وبدأت أكتب فى السياسة والفكر والثقافة والعلوم ، ولم يصل ما كتبته من دينيات بما فيها من أشعار الى 25 % حتى من مجمل المواضيع . هذا ليس سببه بخل قريحتى الدينية ، لكن لأنه لا يوجد من يقرأ أشعار مسيحية ، أو لأن زوارى كانوا قليلين الى حد ما خصوصا المسيحيين الذين لا يتعدوا فردين أو ثلاثة متابعين ، ولا أعرف عن الزوار شيئا :) من هنا جاءت لى فكرة هذه المدونة ، فأنا بالتأكيد لست الوحيد الذى وجد مشكلة فى نشر أشعاره ، والتى مازالت الى الآن حبيسة ملفات الوورد وأجندة الدراسة العزيزة ( الأجندة هى العزيزة وليست الدراسة :) ، ففى أقل الحالات مكسبا لنا - جميعا كأدباء صغار - فى هذه المدونة هى أنه اذا دعا كل كاتب قصيدة شعرية عشرة أشخاص فقط لقراءة شعره المنشور فى المدونة وبالتالى قراءة المدونة وأشعارها الأخرى ، فسيصبح لكل قصيدة ما لا يقل عن مائة قارىء ، وربما فى أحد الأوقات المستقبلية يصبح هذا العدد ألفا أو ما يزيد ، وهو كل ما يريده كاتب قصيدة مسيحية على ما أعرف !!

ما هو غرض هذه المدونة ؟
كتب الانجيل على فم المسيح متحدثا لمن شفاه : اذهب وخبر بكم صنع الرب بك ، كل كاتب قصيدة مسيحية له علاقة مع الله كتلك التى كانت بين المسيح ومحدثه ، غالبا هذه العلاقة هى علاقة شفاء روحى ، فلا تسكت ، تكلم وخبر بكم صنع بك الرب ، هذا ليس ردا للجميل ولا حتى ردا لجزء منه ، لكنه دليل على محبتك لله ، وشهادة له أمام الجميع ، على نفس المنطق قال المسيح فى الموعظة على الجبل : لكى يروا أعمالكم الحسنة فيمجدوا أباكم الذى فى السموات .
دعوة لأرسال الأشعار المسيحية : -
 لهذا أدعوك يا عزيزى لارسال ما كتبته من أشعار مسيحية ، سواء كان الآن موجودا بأدراج مكتبك ، أو رأى النور لكنك لم تقنع بانتشاره البسيط ، هذه المدونة هى وسيلة أخرى بسيطة لتوصيل كلمة الله الى الشباب بطريقة عصرية جدا ، وهى دولة الانترنت ، محافظة المدونات ، لكن أعلم أن الرب سيجازيك عن وزناتك وسيحاسبك عنها ، لا تنس هذا أبدا ، تاجر وأربح بوزنتك ولا تدفنها فى الرمال أو فى التراب . هذه هى أقوال المسيح له كل المجد .
شروط قبول الأشعار : -
الشرط الوحيد فى شخصك هو أن تكون مسيحيا ، تابعا للمسيح ، سواء كان هذا فى السر أو فى العلن ، لا مكان هنا لكلمة أرثوذوكسى أو كاثوليكى أو انجيلى أو مارونى .... الخ ، كلنا هنا يد واحدة لنشر أخبار الملكوت ، لا يهم أمصرى أنت أم لبنانى أم عراقى ... الخ ، المهم أنك تعرف الله والمسيح معرفة حقيقية .  
أما عن شروط الشعر نفسه : فيجب أن يكون شعر دينى مسيحى أو أى شعر له علاقة بالمسيحيين سواء كان مدائح قديسين أو طلبة لرفع الضيق عن المسيحيين فى بلد ما أو أى شىء من أمثال هذا القبيل . بالأضافة الى أنه يجب أن يكون شعرا خاصا بك ، فلا تاتى به من أى مكان آخر بالانترنت ، فقبل أن تكتب لله ، كن أمينا معه ، حتى لو كان فى القليل ، ملحوظة : تقبل الأشعار من أى مكان آخر بشرط أخذ تصريح من مؤلفها أو ناشرها بهذا .
لديك ما ترسله فعلا ؟
اذا كنت يا صديقى تملك أشعارا وتريد ارسالها لى الآن ، فما عليك الا مراسلتى على هذا البريد الاليكترونى : 
rofail.flouta.mohep@gmail.com  
الأولوية فى النشر هى للأحساس الراقى واللغة السهلة الجميلة سواء كانت لهجة محلية أو لغة عربية فصحى .
سلام ونعمة لكم جميعا .
مع تحياتى : المحب لكم دائما / محب روفائيل